الرئيسيةالتسجيلدخول

شاطر | 
 

 قوآنين المنسمين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
тσşт вάℓģσвέη

avatar

عدد المساهمات : 16
السٌّمعَة : 145
تاريخ التسجيل : 13/02/2011
العمر : 22
الموقع : القصيمْ

مُساهمةموضوع: قوآنين المنسمين   الإثنين فبراير 21, 2011 8:02 am

بسم الله الرحمن الرحيم
بداية هذا الرد نرحب بالجميع عضوآت ذبحني الشوق ونقول لهم ترى البيت بيتكم ..
وكلنا نسعى ونسعى الين يقوطر منا العرق .. كله عشان نحافظ على بيتنا " المنسمين"

هذي القوانين توضح سياسة قسم المنسمين .. وبإذن الله نستفيد منها جميع ..
ونطبقها كلنا كأعضاء ومشرفين بحذافيرها .. سياسة بسيطة قابلة للإضافة حسب المستجدات :


"وشلون تكون لك قاعده من القراء"
هذي تكون بالتفاعل اول شي بالردود بحيث تكون بعيده عن المجامله
لاتجامل الاعضاء بالردود عشان مآيجاملونك ..( يكون فيسك مغسول يعنيَ )
وبنفس الوقت اذا الموضوع مادخل مزاجك لاتقوم بدورالمشرف بالتوجيه
عشان ما تستلعن عليك آلمشرفه

ذب على الموضوع او على كاتبه بدون تجاوز الخطوط الحمراء او لا ترد بعد مايشوفونك راد عليهم وردودك قويه يبون يبحثون عن مواضيعك


" افرض نفسك ككاتب مميز بالمنسمين "
كل منا له أسلوبه في الكتابة سواء ) ساخر , ناقد , خيالي , مشفّر , كوميدي (على حسب
والتنوع كذلك في لهجة الكتابة ) عامي , فصحى , كوكتيل , انقليزي ولغات آخرى )
ويناقش قضايا منها ) الأجتماعي , السياسي , الفني , الطبي إلخ .. وإلخ هذي بالذات قضاياها قضايا )
بتعاونكم تكون أقلام الجميع (ركزوا على الجميع) ساخرة وعيارة بشكل صحيح ما تكون مبتذلة في الطرح أو مكررة الفكرة ..

والعضو المميز يكتب موضوع مميز ومهب شرط انه يكون طويل , مهب طويل يعني حوالي رد

لا يجي عضو ويشخمط لي خمس أو سبع أسطر ويقول موضوع عيّار .. إغلاق على طوول

واحرص على 3 اشياء في الكتابة :

* فكرة الموضوع ) والهدف منه )

* طريقة السرد تتضمن الشطحات والذبات واللهجة والأسلوب مع الترابط

*الخاتمه وفيها مايستفاد او الهدف أو القفلة


( اكتب كقارئ .. واقرأ ككاتب )


" في ردودك على الاعضاء بموضوعك أو في موضوع شخص غيرك "
خللك ذيب واللي يرد عليك بسطر عطه سطرين وإن زاد زد وخلك أكرم منه

ولا تزلب اي رد من الردود لان الاعضاء يحرصون على ردك عليهم بموضوعك ويهمهم رايك باللي كتبوا ..
وإذا كان الموضوع لغيرك وجيت ترد عليه ماله داعي التبجيل بكاتب الموضوع ناقش معه موضوعه اذا كان هادف باسلوب عياري ..
واذا كان موضوع مقلع ذب على كاتب الموضوع مع الاكتفاء بجزء بسيط من المجامله والترييش وياليت ردك يكون تكملة للضحك والعيارة ..
لأن كثير من الردودهي اللي تحلي الموضوع لذلك أحرص على هالشيء.. و خل ردك إضافة للموضوع قد ماتقدر


أي شخص عنده موضوع نقاشي وفيه محاور نقاشية بأسلوب عياري .. ينسق معي كمشرفه وانآ آعاونه في موضوعه بإذن الله ..
وبداية للتعاون راح نثبت الموضوع .. و لكن بشرط هام .. أرجو التنسيق مسبقاً معيَ


أي عضو وده يكتب موضوع بس عنده ضمور فكري (قويةهالكلمتين) .. آنا آتكفل و آعطيكم أفكار وعليكم الكتابة ,

وتشجيعاً للاعضاء نثبت الموضوع لهم وإذا عجبنا وعجب الجميع دزيناه للمميزة





فيه فرق شاسع بين الذب والسب والتعرض للدين وتجاوز الذوق العام والتقاليد والعادات بكلمات خادشة وكلمات لا أخلاقية مثل
)يا كلب , يا نعله , يا حيوان , ياحمار , يا ملعون .. واللعن بكل اشكاله .. إلخ (

مثل هذه المفردات تمنع منعاً باتاً سواء بالمواضيع أو الردود .. والعيارة ماهيب بهالكلمات .. و كل منا يعرف حده ..
ونرجو من الجميع عدم تعدي هالحدود عشان مانحده ونركبه الرصيف وعلى منفوحة دايركت


عند المشرفين والأعضاء حساسية كبيرة ضد كلمة ) يتبع ) صك موضوعك مرة وحده وريحنا مع المطامر وراء الأجزاء وبين الردود


نوعية الردود اللي تجيب المغص ونحذفها من المواضيع والفعاليات :
- ردود التشات ( وينصفق عليها العضو كرت وهو مغمض (
- الردود من نمونة) خخخ مهبول ضحكتني , ههههه الله يوسع صدرك , قلمك متميز , موضوع بايخ مثلك , يا الماصل لا يكثر, الردود ام سطرين )
- ما يهمنا الدناديش والخلفيات سواء بالردود أو المواضيع , ولوتمنعونا منها يكون أحسن .. لأننا نهتم بالعيارة ونطنش الشكليات
- التعديل على الردود بعد تعديل المشرف يعتبر مخالفة , لا تسوون انفسكم اقوياء يعني
- الردود المتتابعة بنفس الغرض راح تدمج مع بعض
- الردود اللي فيها مخالفات راح تحذف وتتسمكر وثم ترجع للعرض بعد التلميع والزبرقة

- لمراسلتيَ بخصوص أي طلب أو اقتراح أو استفسار أو فكرة ..

عندكم الخاص وابشروا برضاكم بإذن الله


الرجوع الى أعلى الصفحة اذهب الى الأسفل
 
قوآنين المنسمين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ذبحني الشوق :: الأقسام العامه :: المنسمين | اللي بيزعل بنفلم فيه-
انتقل الى: